Dag 13

Ons laaste dag in Lisabon - beide van ons is reg om aan te beweeg. Lisabon is lekker, maar ons het nou genoeg gesien.

Ons stap verby die Basilica de Estrela, deur die parkie met dieselfde naam en op teen die bult na die aqueduct toe. Van daar stap ons deur 'n deel van die stad wat ons nog nie was nie, terug na ons blyplek.

Die aand gaan eet ons iets ligs in 'n moderne restaurant en toe ek dink ek tik my pin nommer in, toe tik ek al die tyd 'n fooitjie van E351 in - 'n koel R5,500! Gelukkig sien die kelner dit en kom sê vir my. Hulle gee uiteindelik dit vir my in kontant terug.