Dag 16

Dit Sondag en ons stap oor die Mondego rivier wat deur die dorp vloei na die klooster van Santa Clare-al-Venha. Die klooster is in 1240 gebou en in 1650 moes hulle 'n nuwe klooster (Santa Clara- al-Nova) hoër op teen die bult bou, want toe het die rivier die area heeltemal oorgeneem.

In 1995 is die bestaande ruines basies uit die modder uit gegrawe, maar dit is eintlik nog in 'n pragtige toestand.

Ons gaan kyk ook na die Fontes das Lagrimas (Fontein van Trane) waar Prins Pedro se minnares, Ignes, deur sy pa koning, Alvonso IV, laat vermoor is. Dit is 'n pragtige parkie.