Dag 75
Kalkan, 07.11.2018
Ons gaan strand toe en kry vir Lucrecia & en die seuns daar. Ons besluit om almal na die Mahal Beach Club, wat oorkant die baai sit, te gaan.
Daar loop 'n bootjie heen en weer tussen die Kalkan hawe en Mahal. Daargekom kry ons lêstoele. Christiaan & Luke is egter onmiddelik in die water en roei op kanos, swem met hulle fancy duikbrille en neem fotos met hulle onderwaterkamera. Ons lê en lees, gesels en as dit te warm word, spring ons in die see.
Middagete gaan sit ons in die restaurant en eet heerlike Turkse hamburgers & pides (bootvormige Turkse pizzas). Laat middag neem ons die bootjie terug na Kalkan. Wat 'n heerlike dag.
Web
Android
iOS